Tanınmış pianoçu, UNESKO-nun sülh uğrunda artisti Elisso Bolkvadze Gürcüstanın Acarıstan Muxtar Respublikasının mədəniyyət naziri təyin olunub.

Axar.az Teleqraf-a istinadən xəbər verir ki, bu barədə Acarıstan hökumətinin başçısı Tornike Rijvadze bildirib.

O qeyd edib ki, bundan sonra Acarıstanda Mədəniyyət Nazirliyi ayrıca qurum kimi fəaliyyət göstərəcək.

T.Rijvadzenin sözlərinə görə, yeni nazirlik formatı bölgədə mədəniyyətin inkişafına böyük töhfə verəcək.

Qeyd edək ki, E.Bolkvadze bundan öncə Gürcüstan parlamentinin Mədəniyyət komitəsinin sədri olub. O, Batumi Qara dəniz Musiqi və İncəsənət Festivalının təsisçisidir.