Fransa dəfələrlə, o cümlədən Minsk razılaşmalarının yerinə yetirilməsi və Ukraynanın eks-prezidenti Viktor Yanukoviçin siyasi gələcəyinə zəmanətlər barədə yalan danışıb.

Axar.az xəbər verir ki, bunu Kreml sözçüsü Dmitri Peskov bildirib.

“Fransa tərəfindən çox yalan var. Eks-prezident Fransua Ollandın əslində heç kimin Minsk razılaşmalarını ciddiyə almadığını dediyi bəyanatı xatırlayırıq. 2014-cü ildə digər avropalılarla birgə Fransanın xarici işlər naziri Ukraynanın o vaxtkı qanuni prezidenti Yanukoviçin siyasi gələcəyinə zəmanət verən sənədi imzalamışdı. Bundan sonra çevriliş oldu. Yəni, digər ölkələr kimi, Fransa da verdiyi sözü yerinə yetirmədi. Bu, yalan deyilmi? Bu, əsl yalan idi, cənab Makron bu barədə heç nə demədi”, - D.Peskov qeyd edib.

Qeyd edək ki, martın 5-də Fransa Prezidenti Emmanueal Makron xalqa müraciətində Avropaya və Fransaya Rusiyadan təhdidlərin artdığını bəyan edib.