Ukrayna X sosial şəbəkəsinə kiberhücumda əli olduğunu inkar edir.

Axar.az Bakupost.az-a istinadla xəbər verir ki, bu barədə Ali Radanın Xarici siyasət və parlamentlərarası əməkdaşlıq komitəsinin rəhbəri Aleksandr Merejko bildirib.

“Ukrayna X-ə kiberhücumda qətiyyən iştirak etmir. Belə bir hücumun təşkili Ukraynanın maraqlarına uyğun deyil”, - Merejko bildirib.

“Nyusvik” Fələstin tərəfdarı olan “Dark Storm Team” haker qrupunun X-a kütləvi hücuma görə məsuliyyəti öz üzərinə götürdüyünü bildirib.

Qeyd edək ki, İlon Mask X-a kütləvi kiberhücumda Ukrayna İP ünvanlarının iştirak etdiyini bildirmişdi.