İranın nüvə silahı əldə etməsinin qarşısını almaq üçün lazım olan bütün diplomatik addımları atacağımızı, o cümlədən, lazım gələrsə, sanksiyaların geri qaytarılması mexanizmindən istifadə edəcəyimizi açıq şəkildə bildirdik.

Axar.az xəbər verir ki, bunu BMT-nin TŞ-nin İranın nüvə proqramı ilə bağlı keçirilən qapalı iclasından sonra Britaniyanın BMT-dəki daimi nümayəndəsi Ceyms Karyuki deyib.

İclasdan sonraAmerika nümayəndəliyi də bəyanat yayıb və TŞ-ni Tehranı qınamaqa çağırıb.

İranın BMT-dəki nümayəndəsi Əmir Səid İrəvani isə TŞ-nin iclasını “təxribatçı və əsassız” adlandırıb.

İrəvani Əli Xameneinin mövqeyini bir daha təkrar edib: “Tehran təzyiq altında danışıqlar aparmayacaq, təhdidlərə boyun əyməyəcək və heç bir diktə qəbul etməyəcək”.

Qeyd edək ki, İranın nüvə proqramı ilə bağlı iclas Şuraya üzv olan 15 ölkədən altısının, o cümlədən ABŞ, Böyük Britaniya, Fransa, Cənubi Koreya, Yunanıstan və Panamanın tələbi ilə keçirilib. Qərb ölkələri hesab edir ki, heç bir mülki proqram üçün uranı bu qədər yüksək səviyyədə zənginləşdirməyə ehtiyac yoxdur və bu səviyyədə zənginləşdirilmiş uran nüvə bombası yaratmağa hesablanıb.

Bununla belə, rəsmi Tehran İran hökumətinin nüvə proqramının tamamilə dinc xarakter daşıdığını iddia edir.