ABŞ Rakka əməliyyatları çərçivəsində PYD-ni dəstəkləyərək daha çox xaosa yol açır.

Axar.az xəbər verir ki, bu sözləri Suriya Müxalif və İnqilabi Qüvvələr koalisiyasının həmsədri Xalid Xoca deyib.

"Əgər ABŞ İŞİD-ə qarşı həqiqətən mübarizə aparsaydı, Azad Suriya Ordusuna yardıma davam edərdi. Bir terror qruplaşmasını digəri ilə dəyişməsi xaosun davam edəcəyi anlamına gəlir. Suriyadakı atəşkəsi və Vyana razılaşmasını Rusiya pozdu. Təəssüf ki, hücumlar heç vaxt dayanmadı. Rusiya qırıcıları tərəfindən vətəndaşlar hədəf alındı. Bunun səbəbi razılaşmanı tətbiq etmək üçün lazımi mexanizmlərin olmamasıdır. ABŞ-ın bir növ Rusiyanın arxasında gizlənməsi, eləcə də siyasi və hərbi üstünlüyün ikincinin tərəfində olması yekun nəticənin alınmasına mane olur", - Xoca bildirib.