O vaxt mən bunu bir az sarkazmla demişdim. Real olaraq nəyi nəzərdə tuturam – mən bunun həllini istəyirəm. Düşünürəm ki, məndə alınacaq.

Axar.az xəbər verir ki, bu sözləri ABŞ Prezidenti Donald Tramp “Full Measure” proqramının aparıcısı Şeril Attkissonun seçki öncəsi Ukrayna müharibəsini 24 saata həll edə biləcəyini niyə söylədiyi haqda sualına cavab olaraq deyib.

Tramp atəşkəslə bağlı danışıqların indiyədək nisbətən yaxşı getdiyini də vurğulayıb:

“Bazar ertəsi daha çox şey biləcəyik və ümid edirəm ki, yaxşı olacaq”.

Tramp bazar ertəsi nə olacağına aydınlıq gətirməyib.

Qeyd edək ki, Trampın xüsusi nümayəndəsi Stiven Uitkoff 13 martda Moskvada Vladimir Putinlə görüşüb.