OPEK ölkələrinin nazirlərinin görüşündən heç bir nəticə gözləmirik.

Axar.az xəbər verir ki, bu sözləri Rusiyanın Energetika naziri Aleksandr Novak deyib.

O, görüş zamanı hasilatın kvotasının dəyişdirilməsi barədə razılıq əldə olunmayacağını bildirib:

"Bu, il ərzində baş tutan ikinci görüş olacaq. Mən hər hansı bir razılaşmanın olacağını gözləmirəm. Artıq bir çox OPEK üzvü öz hasilat həcmini müəyyən edib və bunun dəyişdirilməsi çətin görünür".

OPEK ölkələrinin növbəti görüşü iyunun 2-də Vyanada baş tutacaq.

Qeyd edək ki, Azərbaycanın Energetika naziri Natiq Əliyev də mətbuata açıqlamasında razılaşma gözləmədiyini bildirib.