Ukrayna enerji sahəsində atəşkəslə bağlı təklifləri dəstəkləyəcək, lakin razılaşmanın tərəfləri ilə bağlı bütün detalları ictimaiyyətə açıqlamaq lazımdır.

Axar.az xəbər verir ki, bunu Ukrayna Prezidenti Vladimir Zelenski Putin-Tramp danışığına reaksiya verərkən bildirib.

"Donald Trampdan, Amerika tərəfdən təfərrüatı aldıqdan sonra biz öz cavabımızı verəcəyik, onu hazırlayacağıq və komanda texniki danışıqlara hazır olacaq", - deyə Zelenski vurğulayıb.

Qeyd edək ki, ötən gün Putin və Tramp arasında telefon danışığı baş tutub. Telefon danışığında müharibə tərəflərinin enerji infrastrukturlarına zərbələri qarşılıqlı olaraq müvəqqəti dayandırması ilə bağlı razılıq əldə olunub.