Prezident Donald Tramp İsrailin Qəzza zolağında hazırkı hərbi əməliyyatlarını tam dəstəkləyir.

Axar.az xəbər verir ki, bu barədə Ağ Evin mətbuat katibi Karolina Levitt jurnalistlərə açıqlamasında bildirib.

O xatırladıb ki, Tramp radikal Fələstin hərəkatı HƏMAS-a xəbərdarlıq edərək, bütün girovları azad etmədiyi təqdirdə sərt tədbirlər görəcəyini demişdi:

"Təəssüf ki, HƏMAS insanların həyatını təhlükəyə ataraq oyun oynamağa üstünlük verdi. Unutmaq olmaz ki, mövcud vəziyyətə görə tam məsuliyyət HƏMAS-ın üzərinə düşür, çünki məhz o, 7 oktyabr 2023-cü ildə İsrailə qarşı amansız hücum həyata keçirdi. Prezident açıq şəkildə bildirib ki, o, bütün girovların evlərinə qayıtmasını istəyir və İsraili, onun silahlı qüvvələrini, eləcə də onların son günlər atdığı addımları tam dəstəkləyir".