2025.03.20 22:11

İstanbulun Saraçhane rayonunda şəhərin bələdiyyə sədri Əkrəm İmamoğluya dəstək aksiyası keçirilir.

Axar.az xəbər verir ki, bu barədə Türkiyə mediası məlumat yayıb.

Məlumata görə, aksiya iştirakçıları İmamoğlunun azad edilməsini tələb edirlər.

Aksiya hazırda davam edir.

***

Bu gün axşam saatlarında İstanbulun Saraçhane rayonunda keçirilən CHP-çi bələdiyyə sədri Əkrəm İmamoğluya dəstək aksiyasında 6 polis yaralanıb.

Axar.az xəbər verir ki, bunu Türkiyə daxili işlər naziri Əli Yerliqaya deyib.

“Bu axşam İstanbulun Saraçhane bölgəsində keçirilən etiraz aksiyalarında 6 polisimiz yaralanıb. Ölkəmizin əmin-amanlığının və təhlükəsizliyinin qarantı olan qəhrəman polis əməkdaşlarımız təxribatlara böyük müdriklik, səbir və sağlam düşüncə ilə qarşı durur, ictimai hadisələrin idarə olunması mövzusunda nümunəvi mövqe sərgiləyirlər.

Yaralanan polis əməkdaşlarımıza şəfa diləyirəm", - nazir bildirib.

Qeyd edək ki, İstanbul Böyükşəhər Bələdiyyəsinin sədri Əkrəm İmamoğlunun saxlanılmasına etiraz edən universitet tələbələri Saraçhaneyə yürüş təşkil edib. Polis tələbələrin Taksimə keçməsinə icazə verməyib.