ABŞ hərbi qüvvələrinin Suriyada mövcudluğunu davam etdirməsi Prezident Donald Trampın administrasiyası üçün prioritet deyil.

Axar.az xəbər verir ki, bunu Türkiyə xarici işlər naziri Hakan Fidan deyib.

“Amerika hərbçilərinin Suriyada mövcudluğunun davam etdirilməsinin Trampın prioritetləri sırasında olmadığını görürük. Amerika ictimaiyyəti ABŞ-ın Suriyada hərbi mövcudluğunu saxlamağın müdrikliyini şübhə altına almağa başlayıb. Bundan əlavə, əvvəllər Suriyada İran, Rusiya və Bəşər Əsəd rejimi kimi amillər var idisə, indi vəziyyət dəyişib. Əgər ABŞ qoşunlarını çıxarsa, bu, onlara daha ucuz başa gələcək”, - Fidan bildirib.

İsrailin Suriya ərazisində olması məsələsinə toxunan diplomat qeyd edib ki, rəsmi Dəməşq beynəlxalq ictimaiyyətlə birlikdə İsrail qoşunlarının gələcəkdə Suriya ərazisindən çıxarılması ilə bağlı qərar verəcək.