Rusiya silahları və hərbi texnikasına böyük tələbat var.

Axar.az xəbər verir ki, bu barədə Rusiya Təhlükəsizlik Şurasının katibi Sergey Şoyqu bildirib.

"Xüsusi hərbi əməliyyat başa çatdıqdan sonra, inanın mənə, bizim silahlarımız üçün böyük növbə yaranacaq. Onlar döyüş əməliyyatlarında özünü sübut edib və təkmilləşdirilib", - Şoyqu deyib.

TŞ katibi vurğulayıb ki, xarici alıcıları hava hücumundan müdafiə (HHM) sistemləri, zərbə dronları və modernləşdirilmiş zirehli texnika cəlb edə bilər:

"Bu, xüsusilə S-400, S-500, həmçinin "Pantsir" kompleksi ilə bağlıdır".

Bildirək ki, 2019–2023-cü illər arasında Rusiyanın silah ixracı əvvəlki beş illik dövrlə (2014–2018) müqayisədə 53% azalıb.