Rusiya vətəndaşlarının əksəriyyəti, yəni 79,8%-i Rusiya prezidenti Vladimir Putinə güvənir.

Axar.az xəbər verir ki, bu nəticə Ümumrusiya İctimai Rəyin Öyrənilməsi Mərkəzinin keçirdiyi sorğuda üzə çıxıb.

Respondentlərin yalnız 16%-i Putinə inanmadığını bildirib. Rusiyalıların 78,1%-i Putinin fəaliyyətini müsbət, 13,6%-i isə mənfi qiymətləndirib.

Respondentlərin 62,4%-i Rusiya hökumətinin sədri Mixail Mişustinə inandığını, 18,4%-i isə etimad göstərmədiyini bildirib.

Gələn bazar günü Dövlət Dumasına seçkilər keçirilsə, hansı partiyaya səs verəcəklərini soruşduqda, rusiyalıların 35,9%-i “Vahid Rusiya”, 10,7%-i LDPR, 9,9%-i Rusiya Kommunist Partiyası, 6%-i “Yeni Xalq”, 3,9%-i “Ədalətli Rusiya – Vətənpərvərlər – Həqiqət naminə” partiyalarını seçib.

Sorğu 2025-ci il martın 10-16-da 18 yaşdan yuxarı 1600 rusiyalı arasında keçirilib. Sorğu mobil nömrələrin təsadüfi seçimi ilə telefon vasitəsilə aparılıb.