ABŞ Prezidenti Donald Trampın İranın ali dini lider Əli Xameneiyə mümkün yeni nüvə sazişi ilə bağlı müraciəti hərbi əməliyyatlardan qaçmaq cəhdidir.

Axar.az xəbər verir ki. bu sözləri ABŞ Prezidentinin xüsusi nümayəndəsi Stiven Uitkoff “Foks Nyus”a müsahibəsində bildirib.

“Bizə hər şeyi hərbi yolla həll etmək lazım deyil. İrana siqnalımız budur: gəlin oturaq, görək dialoq və diplomatiya yolu ilə istədiyimiz nəticəni əldə edə biləcəyikmi? Əgər bacarırıqsa, biz bunu etməyə hazırıq. Əgər bacarmırıqsa, o zaman alternativ (hərbi yol – red.) heç də ən yaxşısı deyil”, - o vurğulayıb.

Qeyd edək ki, Trampın məktubuna Xameneinin cavab verdiyi və dialoqa razılaşdığı haqda iddia yayılıb.