ABŞ Prezidenti Donald Tramp administrasiyası Ukraynadakı müharibənin bitirmək üçün Kiyevdən daha sərfəli ola biləcək bir razılaşma əldə etməyə çalışarkən, avropalılar uzun illər sonra ilk dəfə öz hərbi potensiallarına diqqət yetirirlər.

Axar.az xəbər verir ki, bu barədə CNN məlumat yayıb.

Bildirilib ki, bu, xüsusən də Almaniyada daha çox hiss olunur:

“Gələcək kansler Fridrix Merz Almaniya ordusuna Soyuq müharibə dövründən bəri heç vaxt olmadığı səviyyədə sərmayə qoymağın vaxtı gəldiyinə qərar verib”.

Nəşr xatırladıb ki, Almaniya konstitusion borc məhdudiyyətində geniş islahat aparıb, milyardlarla avroluq maliyyəyə çıxışı açıb və orduya yaxın illərdə külli miqdarda əlavə vəsait cəlb edə bilər.