İsrail hərbçiləri HƏMAS hərəkatının iki komandirini məhv edib.

Axar.az xəbər verir ki, bu barədə ÇAXAL-ın məlumatında bildirilib.

Bildirilib ki, son bir neçə gün ərzində İsrail Müdafiə Qüvvələri və Şin Bet HƏMAS-ın hərbi imkanlarını zəiflətmək və yəhudi dövləti və onun hərbi personalına qarşı təhdidləri aradan qaldırmaq məqsədilə Qəzza zolağının hər yerində terrorçu hədəflərə və yaraqlılara zərbələr endirib. Bu partlayışlar zamanı Qəzza Briqadası komandirinin müavini Əhməd Şimali öldürülüb. Şimali əməliyyatlar, hücum strategiyasının planlaşdırılması və 7 oktyabr 2023-cü il tarixində HƏMAS-ın döyüş əməliyyatına hazırlıq zamanı briqada qüvvələrinin formalaşdırılması, eləcə də müharibə zamanı Qəzza Briqadasının qüvvələrinin yerləşdirilməsinə cavabdeh olub.

“Şücaiyyə” batalyonunun komandiri Cəmil Vadiyanın da öldürüldüyü vurğulanır. Vadiya 2011-ci ilin aprelində 16 yaşlı oğlanın ölümü ilə nəticələnən məktəb avtobusuna tank əleyhinə raket hücumunda iştirak edib.