Ermənistan Avrasiya İqtisadi İttifaqının (Aİİ) bazarına daxil olmaq üçün platforma sayılır və İran bu birliyə üzv olması ilə bəzi gömrük güzəştlərindən yararlanacaq.

Axar.az “İSCA Nyus”a istinadən xəbər verir ki, bunu İranın Ermənistandakı səfiri Mehdi Sübhani deyib.

Səfirin sözlərinə görə, Tehranın son illərdə Ermənistanın ərazi bütövlüyünü dəstəkləməsi İrəvanın daha çox İranla münasibətləri inkişaf etdirməyə can atmasına səbəb olub.

“İran səfirliyi hazırda Ermənistanın 19 məktəbində 3800 şagirdə fars dilini öyrədir. Üç universitetdə iranşünaslıq və fars dilinin tədrisi kursları keçirilir. Ermənistan universitetləri İranın bəzi, o cümlədən Tehran, Qəzvin, Təbriz və Əhvaz universitetləri ilə uğurlu əlaqələr qurub və əməkdaşlıq sənədi imzalayıblar ki, bunların əsasında professor və tələbə mübadiləsi aparılır”, - Sübhani qeyd edib.