Ukrayna Silahlı Qüvvələrinin Luqansk vilayətinin Kremenski dairəsini atəşə tutması nəticəsində 6 nəfər həlak olub. Ölənlər arasında “İzvestiya”nın müxbiri Aleksandr Fedorçak, “Zvezda”nın operatoru və sürücüsü Andrey Panov və Aleksandr Sirkeli də var.

Axar.az xəbər verir ki, bu barədə Luqanskın “rəhbəri” Leonid Paseçnik məlumat yayıb.

"İzvestiya" yazıb ki, Fedorçak 2022-ci ildən döyüş bölgəsində işləyib. Onun Kupyansk istiqamətində vəziyyətlə bağlı son reportajı bir gün əvvəl lentə alınıb.

O, 2022-2023-cü illərdə “Zvezda” telekanalının xüsusi müxbiri olub, bundan əvvəl isə dörd il “Krım 24” telekanalında redaktor işləyib. Fedorçakın 28 yaşı var idi.