Ukraynanın paytaxtı Kiyevdə etirazçılara atəş açan snayperlərin rabitə danışığı aşkar olunub.

Hökumət əleyhdarları tərəfindən aşkarlanan bu rabitə danışıqlarında hərbçilər "Müstəqillik" meydanı ətrafında toplaşan aksiya iştirakçılarını zərərsizləşdirməklə bağlı tapşırıqlar alaraq, əmri dərhal icra edirlər. Danışıqlardan bəlli olur ki, snayperlərə aksiya iştirakçıları arasında fəal şəxsləri aşkarlayıb, zərərsizləşdirmək əmri verilib. Snayperlər bir-biri ilə ancaq rus dilində danışırlar. Hökumət əleyhdarlarının ehtimallarına görə, bu snayperlər ukraynalı deyillər. Güman olunur ki, onlar Rusiyadan gətirilmiş muzdlulardır ("Aznews.az").