Respublikaçılar və Demokratları təmsil edən 50 senator Ukrayna ilə sülh danışıqlarından imtina edəcəyi təqdirdə Rusiyanı sərt sanksiyalarla hədələyib.

Axar.az xəbər verir ki, bu barədə senatorların birgə bəyanatında qeyd olunub.

Onlar Rusiyadan neft, qaz, uran və digər ehtiyatları alan ölkələrdən idxal olunan mallara 500% rüsum tətbiq etməyi təklif ediblər. Qanun layihəsini respublikaçı Lindsi Qrehem və demokrat Riçard Blumental təqdim edib.

Rusiyaya qarşı birinci və ikinci dərəcəli sanksiyaları dəstəkləyən senatorlar ABŞ lideri Donald Trampın atəşkəslə bağlı məyusluğunu bölüşdüklərini və onun davamlı, ədalətli sülhə nail olmaq istəyini dəstəklədiklərini bildiriblər.