Pentaqon etiraf edib ki, husilərə qarşı əməliyyatları məqsədlərinə çatmayıb və bu onlara ayda təxminən 1 milyard dollara başa gələcək.

Axar.az xəbər verir ki, bu barədə “Nyu York Tayms” mənbələrə istinadla məlumat yayıb.

“Pentaqon hesab edir ki, ABŞ ordusunun döyüş sursatları, raketlər və pilotsuz təyyarələr olan yeraltı anbarlara zərbələri səmərəsizdir. Husilər yeraltı qurğularını və hücuma məruz qalan digər hədəfləri gücləndiriblər. Üç həftə ərzində ABŞ dənizdə və havada əlavə qüvvələrin, həmçinin “Patriot” və THAAD hava hücumundan müdafiə sistemlərinin yerləşdirilməsi xərclərini nəzərə almadan husilərə zərbə vurmaq üçün 200 milyon dollar xərcləyib. Bütün xərcləri nəzərə alsaq, Yəməndəki əməliyyat ABŞ-a ayda 1 milyard dollara başa gələcək və Pentaqon tezliklə Konqresdən əlavə vəsait istəməli olacaq”, - məlumatda qeyd olunub.