Rusiya Ukraynada başladığı müharibə başa çatdıqdan sonra öz qoşunlarının sayını əhəmiyyətli dərəcədə azaltmayacaq.

Axar.az xəbər verir ki, bu fikri Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov deyib.

Onun fikrincə, bunun tamamilə məntiqli izahları var:

“İlk növbədə, bu qədər qoşuna onların strategiyasına görə ehtiyac var. Hazırda hərbi büdcənin təxminən 50 faizi hərbçilərə ödənilən müavinətlərə gedir. Bura döyüşçülərə əlavələr, müqavilə imzalamaq üçün birdəfəlik ödənişlər, müqavilənin sonuna qədər sağ qalarsa, son ödənişlər, yaralananlara və həlak olanlara görə kompensasiyalar və s. daxildir.

İkinci hissə sursat alışına, üçüncü isə texnikanın təmiri və xidmətinə xərclənir. Müharibə başa çatanda bu ödənişlər də bitir, problemlər aradan qalxır və böyük bir büdcə sərbəst qalır. Buna görə də qoşunların sayında azalma olmayacaq”.