Rusiyanın aprelin 4-də Ukraynanın Krivoy-Roq şəhərinə endirdiyi zərbələrin görüntüləri yayılıb.

Axar.az xəbər verir ki, bu barədə Ukrayna mətbuatı məlumat verib.

Məlumata görə, raket zərbəsi şəhərdəki “RoseMarine” restoranına endirilib. Yayılan kadrlarda zərbələr nəticəsində mülki şəxslərin xəsarətlər aldığı açıq-aydın görünür.

Rusiya Müdafiə Nazirliyi isə zərbələrdən dərhal sonra yaydığı açıqlamada Krivoy-Roq şəhərində zabitlərin, Qərb hərbi təlimatçılarının toplaşdığı məkana zərbələr endiriyini bildirmişdi.

Qeyd edək ki, aprelin 4-də Rusiyanın Krivoy-Roq şəhərinə endirdiyi zərbələr nəticəsində aralarında azyaşlıların da olduğu 20-yə yaxın mülki şəxs həlak olub. Ukrayna faciə ilə əlaqədar aprelin 6-da matəm elan etmişdi.