Tayvanın “Yarımkeçirici İstehsalat Şirkəti” (TSMC) ABŞ-da fabriklər inşa etməsə, 100 faizlik vergi ilə üzləşəcək.

Axar.az xəbər verir ki, bunu ABŞ Prezidenti Donald Tramp Konqresdə Respublikaçılar Partiyasının Milli Komitəsində çıxışında deyib.

Tramp Bayden administrasiyasının Arizona ştatının Feniks şəhərində yarımkeçirici zavodunun tikintisi üçün TSMC-nin ABŞ bölməsinə 6,6 milyard dollar qrant vermək qərarını tənqid edib:

“Yarımkeçiricilər istehsal edən şirkətlərin bu pula ehtiyacı yoxdur. Mən onlara pul verməmişəm, sadəcə demişəm ki, əgər burada zavod tikməsəniz, böyük vergi ödəyəcəksiniz”.

Qeyd edək ki, dünyanın ən böyük çip istehsalçısı olan TSMC ABŞ-a 100 milyard dollar sərmayə qoymağı planlaşdırdığını söyləmişdi.