Hazırda Ukrayna ABŞ-la müharibənin tam başa çatdırılması üçün danışıqlar aparır.

Axar.az xəbər verir ki, bu açıqlama ilə Ukrayna Prezidenti Vladimir Zelenski çıxış edib.

“Onlar (ABŞ – red.) bu təşəbbüsü və liderliyi öz üzərlərinə götürüblər. Və açıq desək, onlara heç kim mane olmur. Təşəbbüs onlardan gəldi, onlar dedilər: “Biz tam, qeyd-şərtsiz atəşkəs barədə razılığa gələ bilərik”. Və bu gün onlar bunu müəyyən addımlarla reallaşdırmağa çalışırlar. Əgər bu alınmasa, bizə güclü addımlar atacaqlarına söz veriblər. Bu addımlar nələr olacaq – bilmirəm. Onlar bilirlər ki, bizim üçün sanksiyalar və Ukraynaya hərbi dəstək önəmlidir. Biz bu iki addımı gözləyirik”, – deyə Zelenski bildirib.

Prezident əlavə edib ki, atəşkəs halında Ukraynaya təhlükəsizlik zəmanətləri lazım olacaq:

"Lakin tərəfdaşlar bildirirlər ki, Ukraynada döyüş əməliyyatları gedən bir vaxtda bizə heç kim təhlükəsizlik zəmanəti verə bilməz".