12:46

Rusiya ordusu Ukraynanın Sum şəhərinə raket zərbələri endirib.

Axar.az xəbər verir ki, bu barədə Sum Şəhər Şurasının katibi Artyom Kobzar məlumat yayıb.

“Düşmən yenə mülki əhaliyə hücum etdi. Bu gün endirilən zərbələr nəticəsində 20 sakin həlak olub. Dağılan binalar da var”, - Kobzar bildirib.

***

Sum şəhər prokurorluğunun verdiyi məlumata görə, raket zərbələri nəticəsində 34 nəfər yaralanıb. Yaralılardan 5-i azyaşlıdır.

***

Ukrayna Daxili İşlər naziri İqor Klimenko bildirib ki, hücum nəticəsində azı 21 nəfər həyatını itirib, 83 nəfər isə yaralanıb. Yaralılardan 7-si azyaşlıdır.

“Raket zərbələri şəhərin mərkəzi küçələrinə, ictimai nəqliyyat vasitələrinə və binalara endirilib”, - o deyib.

***

Ukrayna Fövqəladə Hallar Nazirliyi Sum şəhərinin mərkəzinə raket zərbələri nəticəsində ölənlərin sayının 31-ə qalxdığını açıqlayıb. Ölənlərdən ikisi uşaqdır.

Qeyd olunub ki, hadisə nəticəsində 84 nəfər, o cümlədən 7 uşaq yaralanıb.

***

Rusiyanın Sumın mərkəzinə endirdiyi raket zərbəsi nəticəsində ölənlərin sayı 34 nəfərə çatıb.

Bu barədə Ukrayna Fövqəladə Hallar Dövlət Xidməti məlumat yayıb.

Bildirilb ki, saat 18:00-a olan məlumata görə, 2-si uşaq olmaqla 34 nəfər ölüb, 15-i uşaq olmaqla 117 nəfər yaralanıb.