Çin ABŞ Pezidenti Donald Trampın tətbiq etdiyi tariflərlə mübarizə aparmaq üçün Avropa, Cənubi Koreya və Yaponiya ilə əməkdaşlıq etməyə çalışır.

Axar.az xəbər verir ki, bu barədə “Röyters” mənbələrə istinadla məlumat yayıb.

“Pekin diplomatları Trampın tariflərinə məruz qalan digər hökumətlərlə əlaqə saxlayıb, o cümlədən bir neçə ölkəyə əməkdaşlıqda maraqlı olduqlarını bildirən məktublar göndərib. ABŞ-ın Avropa, Yaponiya və Cənubi Koreya kimi müttəfiqləri ilə də əlaqələr qurulub. Məktublarda Çinin mövqeyi, çoxmərkəzliliyin və ölkələrin birlikdə müqavimət göstərmələrinin zəruriliyi qeyd edilib. Bundan əlavə, ABŞ-ın siyasəti tənqid edilib”, - məlumatda bildirilib.

Qeyd edək ki, bir müddət öncə Çin lideri Si Szinpin Avropa Birliyinin Donald Trampın tariflərinə qarşı çıxmaq üçün Pekinlə qüvvələri birləşdirməli olduğunu demişdi.