Rusiya Təhlükəsizlik Şurasının sədr müavini Dmitri Medvedyev Almaniyanın gələcək kansleri Fridrix Merzi Krım körpüsünə hücum ideyasına görə nasist adlandırıb.

Axar.az xəbər verir ki, o, bu barədə X sosial media hesabında yazıb.

“Kansler namizədi Fridrix Merzi Hitlerin vaxtında xidmət edən atasının xatirələri izləyir. İndi Merz Krım körpüsündə zərbə endirməyi təklif edir. İki dəfə düşün, nasist!” - o bildirib.

Qeyd edək ki, daha öncə Merz Ukraynaya uzaq mənzilli “Taurus” qanadlı raketlərinin tədarükünə icazə verib . O izah edib ki, avropalı tərəfdaşlar tədarüklə bağlı razılığa gəlsələr, Almaniya bunda iştirak etməlidir.

Merzin sözlərinə görə, Ukrayna Silahlı Qüvvələri bu raketlərdən Rusiya ilə Krım arasında ən mühüm quru əlaqəsini məhv etmək üçün istifadə edə bilər.