Rusiya Qərblə Ukrayna məsələsinin nizamlanması ilə bağlı müzakirələrdə Kiyevin "təmizliyinin" yoxlanılmasında israr edir.

Axar.az xəbər verir ki, bu barədə Rusiya xarici işlər naziri Sergey Lavrov "Kommersant" qəzetinə verdiyi müsahibədə bildirib.

"Ukraynalı qonşularımızın prinsipial təmizliyinin yoxlanılması — bu, Qərblə aparılan müzakirələrdə bizim israr etdiyimiz əsas məsələdir. Onlar guya nizamlama prosesinə kömək etmək istəyirlər.

Makronlar və Starmerlər tərəfindən cızılan bütün bu sülh planları o təməl üzərində qurulub ki, heç olmasa, bir parça torpaq saxlanılsın və orada nasist, açıq-aşkar rusofob, Rusiyaya qarşı yeni bir müharibəyə hazırlıq üçün yaradılmış rejim mövcud olsun. Bu, Minsk razılaşmalarında da belə olmuşdu", - Lavrov qeyd edib.