Əməliyyat planlaşdırılmışdı və asayiş keşikçiləri tərəfindən görülən tədbirlər qanuni idi.

Axar.az xəbər verir ki, bu barədə Rusiya Xarici İşlər Nazirliyi Moskvada “Bodrost” hamam kompleksində qırğızların rus çevik polisləri tərəfindən təhriqamiz şəkildə saxlanmasına münasibət bildirərkən deyib.

“Sözügedən yoxlama hər hansı bir ölkənin vətəndaşlarına qarşı yönəlməyib”, - qeyd olunub.

Sosial şəbəkə istifadəçilərinin qırğızlara qarşı təhqiramiz rəftarla bağlı ittihamlarına cavab olaraq XİN əməliyyat zamanı onların hüquq-mühafizə orqanlarının əməkdaşlarına “müqavimət göstərdiyini” deyib:

“Saxlanılan xarici vətəndaşların radikal qruplarla əlaqəsi ola bilər”.

Qeyd edək ki, aprelin 10-da Moskvada qırğızıstanlı iş adamına məxsus “Bodrost” hamam kompleksinə rus çevik polislərinin basqını olub. Onlarla Qırğızıstan vətəndaşı zorakılıqla saxlanılıb. Qırğızıstan Moskva hamamında Qırğızıstan vətəndaşlarının vəhşicəsinə saxlanmasına görə Rusiyaya etiraz notası təqdim edib.