Aya ilk ayaq basan insan olaraq tarixə düşən Nil Armstronqun 18 karatlıq qızıldan “Omega Speedmaster Professional” saatı hərracda 2,2 milyon dollar satılıb.

Axar.az xəbər verir ki, saat Armstronqun Aya tarixi enişindən dörd ay sonra hədiyyə olaraq təqdim edilib. Bu saat NASA astronavtları üçün xüsusi olaraq yaradılmış 26 qızıl saatdan biridir.

“Atamın xüsusi günlərdə taxmağı çox sevdiyi bu saat bəşər tarixində ən diqqətəlayiq nailiyyətlərdən birini simvolizə edir”, - astronavtın oğlu Mark Armstronq deyib.

Saat üçün ödənilən pulun 850 min dolları Armstronqun oğlunun seçdiyi xeyriyyə təşkilatlarına bağışlanacaq.