Ermənistan hakimiyyəti orduda əsgər çatışmazlığını aradan qaldırmaq üçün günü 10 dollara muzdlular tutur.

Publika.az xəbər verir ki, qondarma DQR təmas xəttində xidmət etməyə hazır olan könüllülərə hər gün 5000 dram (10,4 dollar) verməyə hazırdır.

Qeyd edək ki, Ermənistan ordusunda xidmət etməyə əsgər çatışmır. Xüsusilə aprel döyüşlərindən sonra gənc insanlar orduya getməmək üçün ya ölkəni tərk edir, ya da müxtəlif yollarla xidmətdən yayınırlar. Dördgünlük müharibədən sonra Qarabağa 50-65 yaşlı ermənilərin döyüşməyə gəlməsi də bunu deməyə əsas verir.

Digər tərəfdən, mayın 15-də "Vardaşen" həbsxanasında olan bir qrup məhkum Qarabağda döyüşmək əvəzinə əfv olunmaları üçün Serj Sarkisyana müraciət etmişdi.