Almaniyanın İqtisadiyyat və İqlim Mühafizəsi Nazirliyi hökumətin “Eurofighter” (Tayfun) təyyarələrinin Türkiyəyə satışını əngəllədiyi ilə bağlı iddiaları təkzib edib.

Axar.az xəbər verir ki, bu barədə “Anadolu” agentliyinin rəsmi sorğusuna nazirliyin cavabında bildirilib.

Nazirlik vurğulayıb ki, bu barədə qərarı hazırkı müvəqqəti hökumət deyil, yeni hökumət qəbul edəcək.

Qeyd edək ki, Türkiyə “Tayfun” qırıcılarını almaq üçün uzun müddətdir danışıqlar aparır. Qırıcının istehsalçısı Almaniya, Böyük Britaniya, İtaliya və İspaniya konsorsuimu olduğu üçün, satışına bu 4 ölkənin razılıq verməsi lazımdır.

Bir müddət öncə isə İstanbul Böyükəhər Bələdiyyəsinin sabiq sədri Əkrəm İmamoğlunun korrupsiya ittihamı ilə həbsinə görə Almaniyanın “Tayfun” qırıcılarının Türkiyəyə satışına veto qoyduğu haqda məlumat yayılmışdı.