Sosial şəbəkədə "Leksus" markalı avtomobilin sərxoş sürücüsünün motosikl sürücüsü ilə davasını əks etdirən video yayılıb.

Axar.az xəbər verir ki, videonun yayılmasından sonra sözügedən aqressiv sürücünün Podmoskovyedən Vahid Rusiya Partiyası üzvlüyünə namizəd Aleksey Bolşedanov olduğu aşkar edilib.

İnsident meşə yolunda yaşanıb. Sürücü 3 motosikleti əvvəlcə siqnallayır, daha sonra onlara yaxınlaşaraq, söyür və maşından düşüb, moto-sürücüyə hücum çəkir.

Ancaq bəxti gətirmir, daha güclü çıxan moto-sürücü onu əzişdirməyi bacarır.

Bolşedanovun bu hərəkətinin səbəbi hələ ki, məlum deyil.

Vahid Rusiya Partiyasının mətbuat xidməti sözügedən şəxsin partiya üzvlüyünə namizəd olduğu faktını təsdiqləyib.