ABŞ keçən il ərzində terror təşkilatlarına məxsus 37,6 milyard dolları dondurub.

Axar.az xəbər verir ki, bu barədə informasiyanı ABŞ Maliyyə Nazirliyi yayıb. Nazirlik bu göstəricinin 2014-cü illə müqayisədə 30% çox olduğunu bildirib. Vaşinqton İŞİD-in 14,1 milyard dollar pulunu dondurduğunu bildirib. İŞİD-dən sonra hesablarına ən çox qadağa qoyulan isə Əl Qaidədir. Təşkilatın dondurulan aktivlərinin həcmi 13 milyard dollardır. ABŞ-ın dondurduğu aktivlər sırasında üçüncü yeri 8,2 milyard dollarla Hizbullah tutur.

Maliyyə Nazirliyi həmçinin Kuba (243 milyon dollar) və İranın da (1,98 milyard dollar) aktivlərini dondurub. Buna səbəb kimi isə həmin aktivlərin terrorizmə dəstək üçün xərclənə bilmə ehtimalı göstərilib.