Hindistan öz hava məkanını Pakistan təyyarələri üçün bağlamağı və gəmilərinin hind limanlarına çıxışını qadağan etməyi düşünür.

Axar.az xəbər verir ki, bu barədə “Ekonomik Tayms” mənbələrə istinadən məlumat yayıb.

Məlumata görə, belə olan halda Pakistan Cənub-Şərqi Asiyadakı istiqamətlərə çatmaq üçün Çin və ya Şri-Lanka üzərindən təyyarələrin marşrutunu dəyişməli olacaq.

Qeyd edək ki, Hindistanla Pakistan arasında münasibətlər 22 apreldə Cammu və Kəşmirdə turistlərin atəşə tutulması və 26 nəfərin ölümündən sonra pisləşib. Hindistan terror aktını törədən qurumun arxasında dolayısı ilə Pakistanın durduğunu iddia edir.

Pakistan bu ittihamları rədd edib.