Bəndər Abbas şəhərinin Şəhid Rəcayi limanındakı yanğının söndürülməsi üçün Rusiyanın göndərdiyi təyyarələrdən istifadə edilməyib.

Axar.az xəbər verir ki, bunu İranın daxili işlər naziri İsgəndər Mömüni deyib.

Mömüninin bu açıqlamasından dərhal sonra Rusiyanın Tehrandakı səfirliyi X hesabında paylaşım edərək, yanğınsöndürən təyyarələrin Şəhid Rəcayi limanın üzərində uçduqlarını, su və yanğınsöndürən maye səpdiklərini əks etdirən videolar yayıb.

Səfirlik video paylaşımında Rusiyanın dəstəyini əks etdirən mətn də əlavə edib:

“Rusiya Fövqəladə Hallar Nazirliyi iranlı həmkarları ilə sıx əməkdaşlıq edərək Bəndər Abbasda təqdirəlayiq və cəsarətli əməliyyat həyata keçirib”.

Qeyd edək ki, Rusiya Prezidenti Vladimir Putinin tapşırığı ilə Bəndər Abbasdakı yanğının söndürülməsi üçün İrana B-200ÇS amfibiya təyyarəsi və bir İl-76 təyyarəsi göndərilmişdi.