İŞİD terrorçuları İraqda Assur mədəniyyətindən qalma Qaryat Nimrud antik şəhəri ətrafında yer alan 2500 illik Nabu məbədini yerlə-yeksan edib.

Axar.az xəbər verir ki, terrorçuların yaydığı videoda Mosulun cənubundakı məbədin partladıldığı əks olunub.

Antik dövrdə yazı və hikmət tanrısı olan Nabu üçün tikilmiş məbədin qalıqları daha sonra buldozerlərlə dağıdılıb.

Videonun sonunda Misirin paytaxtı Qahirə yaxınlığındakı Cizə piramidalarının görüntülərinə yer verən terrorçular Misir piramidalarını yox edəcəklərini bildiriblər.