Suriya qoşunlarının Rakka əyalətində irəliləməsi Rusiya ilə ABŞ-ın toqquşmaq riskini yaradır.

Axar.az xəbər verir ki, bu iddia ilə Faynənşl Tayms qəzeti çıxış edib.

Nəşrin yazdığına görə, ABŞ tərəfindən dəstəklənən müxalifət ordusu ilə Rusiya tərəfindən dəstəklənən hökumət orduları Rakkanı de-fakto öz paytaxtı etmək üçün mübarizəyə başlayacaq.

Lakin ABŞ mütəxəssisləri bu variantı istisna edir. Onların fikrincə, tərəflər Rakka uğrunda hücuma eyni zamanda başlamayacaq. Bu isə onların toqquşmasının qarşısını alacaq.

Nəşrin iddialarına görə, Rakka uğrunda baş tutacağı ehtimal olunan qarşıdurma indidən Rusiya ilə ABŞ arasındakı gərginliyi artırır:

"Tərəflər İŞİD terror qruplaşmasına qarşı öz güclərini birləşdirmək əvəzinə rəqabət aparır, bu isə strateji təhlükələri artırır. ABŞ-ın İŞİD üzərində qələbə qazanmaq üçün hökumət qüvvələri ilə danışıqlara hazır olması özü ABŞ üçün böyük riskdir. Çünki bu halda o, müxalif qüvvələr arasında olan etibarını itirmək riski ilə qarşı-qarşıya qala, bu isə sözügedən qüvvələrin ABŞ-dan üz döndərməsi ilə nəticələnə bilər".