Rusiyanın Perm diyarının Osinsk Şəhər Dumasının deputatı və "Realnıye patsanı" serialının erməniəsilli aktyoru Armen Bejanyana qarşı yeraltı sərvətlərin mühafizəsi və istifadəsi qaydalarının pozulması maddəsi üzrə cinayət işi qaldırılıb.

Axar.az Oxu.az-a istinadla xəbər verir ki, Perm diyarının İstintaq Komitəsi aktyorun 140 milyon rubl (təqribən 290 min manat - red.) məbləğində zərərə yol açan hərəkətlərə yol verdiyini müəyyənləşdirib.

Təqsirkar bilinərsə, onu 200 min rubla (təqribən dörd min manat) qədər cərimə və ya iki ilə qədər islah işləri gözləyə bilər.

Eyni zamanda, iş adamı olan Bejanyan bir neçə şirkətə rəhbərlik edir.