Rusiya Suriya, Liviya, İraq və digər ölkələrdə yaşanan terror təhlükələrini nəzərə almaya bilməz.

Axar.az RİA-ya istinadən xəbər verir ki, bu açıqlama ilə Rusiya Müdafiə naziri Sergey Şoyqu Türkmənistan Prezidenti Qurbanqulu Berdiməhəmmədov ilə görüşündə çıxış edib.

Onun sözlərinə görə, təhdidlərin mövcud olduğu bir vaxtda susmaq olmaz:

"Bu, beynəlxalq terrordur. Regionda Əfqanıstan kimi dövlətin olduğu bir vaxtda biz terrorun bizdən yan keçəcəyini düşünə bilmərik. Biz bütün terror təhlükələrinə ciddi yanaşmalı və hərəkətə keçməliyik".