Rusiya Maliyyə Nazirliyi "Krokus Qrup"un rəhbəri Araz Ağalarova 1,1 milyard rubl kompensasiya ödəyib.

Axar.az xəbər verir ki, bu barədə informasiyanı Rusiya mətbuatı yayıb. Ağalarova bu məbləğin Maliyyə Nazirliyini məhkəmədə məğlub etdikdən sonra ödənildiyi bildirilir.

Qeyd edək ki, Araz Ağalarov Maliyyə Nazirliyini Uzaq Şərq Universitetinin tikintisi zamanı düşdüyü zərərə görə məhkəməyə verib. 2009-cu ildə Ağalarovun şirkəti Ruski adasında Uzaq Şərq Universitetinin tikilməsi üçün əsas podratçı olub. Həmin dövrdə universitetin tikilməsi üçün müqavilədə göstərilən məbləğ 42 milyard rubl imiş. Sonradan Ağalarov məhkəməyə müraciət edərək Maliyyə Nazirliyinin ona 1,9 milyard rubl ödəməsini istəyib. Dövlət nümayəndələri isə sonradan sübut etməyə çalışıblar ki, "Krokus Qrup"un tikinti işləri apardığı ərazilər dövlətlə imzalanan müqavilənin tərkibinə daxil olmayıb.

Məhkəmə 2015-ci ildə "Krokus Qrup"un xeyrinə qərar çıxarıb.