ABŞ ordusunun 250 illiyi və iyunun 14-nə təsadüf edən Donald Trampın 79 illik yubileyi münasibətilə Vaşinqton mümkün hərbi parada hazırlaşır.

Axar.az xəbər verir ki, bu barədə “Assoşeyted Press” məlumat yayıb.

İlkin plana əsasən, parada 6600-dən çox hərbi qulluqçu, ən azı 150 texnika, 50 helikopter, 7 ordu orkestri cəlb olunacaq. Həmçinin “Qızıl cəngavərlər”in paraşüt nümayişi, veteranlar da daxil olmaqla çoxlu sayda mülki şəxsin iştirakı planlaşdırılır.

Paradda 11 korpus və diviziyanın bölmələri, “Bredli” və Strayker” maşınları, tanklar, “Paladin” haubitsaları, həmçinin tarixi təyyarə və nəqliyyat vasitələri iştirak edəcək.

Paradın konsert və böyük atəşfəşanlıqla başa çatması planlaşdırılır.

Nəşr yazıb ki, tədbirlər 10 milyonlarla dollara başa gələcək.