Rusiya Ukraynanı ələ keçirmək cəhdlərində insan və texnika baxımından ciddi itkiyə məruz qalır, lakin görünür, onun döyüşü dayandırmaq niyyəti yoxdur.

Axar.az xəbər verir ki, bu barədə “Forbes”in analitiki Devid Eks deyib.

O hesab edir ki, hazırkı irəliləyişlə Ukraynanı tamamilə ələ keçirmək üçün Kremlə əsrlər və on milyonlarla qurban lazımdır:

“Aprel ayında rus qoşunları Ukrayna ərazisinin təxminən 68 kvadrat milini ələ keçirə bilib. Lakin bu onlara 4800 texnika və 36600-dən çox canlı qüvvə itkisi hesabına başa gəlib. Ukrayna 233 min kvadrat mil ərazini əhatə edir, bunun 19%-i Rusiyanın işğalı altındadır. Hazırkı temp və itki ilə ruslar Ukraynanın qalan hissəsini 2256-cı ildə 101 milyon itki hesabına alacaqlar”.