Biz heç vaxt Ukraynaya hücum etməyəcəyik.

Axar.az xəbər verir ki, bunu Belarusun Ukraynadakı səfiri Valentin Veliçko jurnalistlərə açıqlamasında söyləyib. Onun sözlərinə görə, Belarus Ukraynanın ərazi bütövlüyünü tam dəstəkləyir:

"Bizim ölkənin lideri dəfələrlə bəyan edib ki, Belarus ərazisindən heç bir yönə aqressiya olmayacaq. Biz üçüncü ölkəyə də öz ərazimizdən Ukraynaya müdaxilə etməyə imkan verməyəcəyik".

Qeyd edək ki, Rusiya 2014-cü ildə Ukraynanın Krım yarımadasını anneksiya edib, həmçinin Moskvanın hərbi-siyasi dəstəyi ilə Ukrayna ərazisində Donentsk və Luqansk separatçı qurumları yaradılıb.