Rusiyanın qismən atəşkəsə hazır olması barədə bəyanatlarına baxmayaraq, cəbhədəki vəziyyət bunun əksini nümayiş etdirir.

Axar.az xəbər verir ki, bunu Ukrayna Prezidenti Vladimir Zelenski Çexiya lideri Petr Pavel ilə birgə mətbuat konfransında deyib.

Zelenski qeyd edib ki, təkcə son 24 saat ərzində rusların 200-dən çox hücumu qeydə alınıb:

"Ötən günlərdə olduğu kimi, bu gün də Rusiya atəşi dayandırmaq istəyinin siqnallarını səsləndirir. Lakin eyni zamanda, hərbi toqquşmaların sayı yalnız artır, Baş komandan Aleksandr Sırskinin hesabatına görə, bu günlərdə 200-dən çox hücum olur ki, bu da son ayların ən yüksək göstəricilərindən biridir".