Abxaziya Rusiyanın tərkibinə daxil olmaqla bağlı referendum keçirməyi planlaşdırmır.

Axar.az xəbər verir ki, jurnalistlərə açıqlamasında qondarma Abxaziyanın "baş naziri" Artur Mikvabiya söyləyib.

Onun sözlərinə görə, Abxaziya ilə Cənubi Osetiyanı eyniləşdirmək doğru olmazdı:

"Osetinlər bölünmüş xalqdır. Onların bir hissəsi Rusiyada yaşayır. Ona görə də birləşmək istəyirlər. Bizdə isə situasiya ayrıdır. Biz müstəqil respublika olmaq istəyirik".

Qeyd edək ki, Cənubi Osetiyanın Rusiyanın tərkibinə daxil olması ilə bağlı referendum 2017-ci ildə keçiriləcək.