2022-ci ilin fevralında Xarkov rus işğalçıları qarşısında möhkəm dayandı və indi də mübarizəni davam etdirir. Şəhər amansızcasına atəşə tutulur, hətta nasistlər də Xarkovu belə bombalamamışdı.

Axar.az xəbər verir ki, bu sözləri ukraynalı tarixçi Andrey Paramonov İkinci Dünya müharibəsi dövründə nasist işğalı ilə hazırkı Rusiya qoşunlarının hücumlarını müqayisə edərkən deyib.

O bildirib ki, II Dünya müharibəsi illərində Qırmızı ordunun Xarkovla bağlı hər hansı strategiyası olmayıb:

“Qırmızı ordu hisssələrinin şəhəri tərk etməsi səbəbindən faktiki bir neçə saatlıq döyüş oldu və oktyabrın 24-də almanlar şəhərə daxil oldu”.