Rusiya Prezidenti Vladimir Putin Qazaxıstan lideri Qasım-Jomart Tokayevə atasına Sovet İttifaqı Qəhrəmanı adı verilməsi üçün mükafat vəsiqəsini təqdim edib.

Axar.az xəbər verir ki, bu, Tokayevin İkinci Dünya müharibəsində qələbənin 80 illiyi ilə əlaqədar hərbi paradda iştirak üçün Rusiyaya səfəri zamanı baş verib.

“Hörmətli Prezident, mən sizə mükafat vəsiqəsini təqdim etmək istərdim, bu, atanızın Sovet İttifaqı Qəhrəmanı ordeni ilə təltif edilməsini təsdiq edən sənəddir”, - deyə Putin Tokayevlə görüşdə deyib.

Qeyd edək ki, Kemel Tokayev İkinci Dünya müharibəsi veteranı və tanınmış bir Qazaxıstan yazıçısı olub.