Hindistanın Baş naziri Narendra Modinin yaxın komandirlərindən biri olan təqaüdə çıxmış general Qaqandip Bakşi Türkiyəni hədələyib.

Axar.az Türkiyə mətbuatına istinadən xəbər verir ki, Bakşi Türkiyənin xilafəti diriltmək və müsəlman dünyasının xəlifəsi olmaq istədiyini deyib.

O, Pakistan-Hindistan müharibəsinə Türkiyənin də müdaxilə etdiyini və Türkiyə tərəfindən Kəşmir bölgəsinə 3 min nəfərin göndərildiyini də iddia edib.

Bundan əlavə, Türkiyənin Hindistana birbaşa düşmən olduğunu xatırladan Bakşi “lazım gələrsə”, nüvə silahı ilə Türkiyəni “cəhənnəmə çevirə biləcəklərini” bildirib.

“Dünya gücü olduqlarını göstərməyə çalışırlar. Lakin Hindistanın da qlobal güc olduğunu unutmamalıdırlar. Onların nüvə silahı yoxdur, bizdə var. Onların kosmos qüvvələri yoxdur, bizdə var”, - o qeyd edib.